Popular Bible Verses from ዛረዋ 30

Share

“ታን ህንተ ስንን ደኡዋነ ሀይቁዋ፥ አንጁዋነ ሸቃ ዎዳዎ ሀች ሳሉዋነ ሳኣ ህንተ ቦላ ማርካያና፤ ስም ህንተነ ህንተ ዛሪ ደኡዋን ደአና ማላ፥ ደኡዋ ዶርተ። መና ጎዳ ህንተ ጾሳ ሲቅተ፤ አ ቃላ ስስተ፥ አዉ አዛዘትተ፤ አናና ኦይቀትተ። ሄዋዳን ሀኖፐ፥ መና ጎዳይ ህንተዉ ደኡዋ። ካሰ ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ እማናዉ ጫቄዳ ጋድያን ህንተነ ህንተ ናናይ አዱሳ ላይ ደአና” ያጌዳ።

ህንተ መና ጎዳ ህንተ ጾሳ ሲቅያዋን አ ኦግያን ሀመትያዋንነ አ አዛዙዋ፥ አ አዋዩዋነ አ ዎጋ ናግያዋን፥ ታን ሀች ህንተና አዛዝያ መና ጎዳዉ፥ ህንተ ጾሳዉ፥ አዛዘቶፐ፥ ህንተ ደኡዋን ደአናነ ጮራታና፤ ቃይ ህንተ ላታናዉ ገልያ ጋድያን መና ጎዳይ ህንተ ጾሳይ ህንተና አንጃና።

“በእተ፥ ታን ሀች ህንተ ስንን ደኡዋነ ሎኦተ፥ ሀይቁዋነ ባሻ ዎድ።

ቃላይ ህንተንቶ ሎይ ማታን ደኤ፤ ህንተ ኦናዳን፥ ቃላይ ህንተ ዎዛናንነ ህንተ ዶናን ደኤ።

“ህንተ ደኡዋን ደአና ማላነ መና ጎዳ ህንተ ጾሳ ህንተ ኩመን ዎዛናፐነ ህንተ ኩመን ሸምፑዋፐ ሲቃናዳን፥ እ ህንተንቶነ ህንተ ናናዉ አዛዘትያ ዎዛና እማና።

ህንተ ሀ ህግያ ማጻፋን ጻፈቴዳ መና ጎዳ ህንተ ጾሳ አዛዞቱዋነ አ ዎጋቱዋ ናጋናዉ መና ጎዳዉ፥ ህንተ ጾሳዉ፥ አዛዘቶፐ፥ ቃይ ህንተ ህንተ ኩመን ዎዛናፐነ ህንተ ኩመን ሸምፑዋፐ መና ጎዳኮ፥ ህንተ ጾሳኮ፥ ስሞፐ፥ እ ህንተና ህንተ ኩሽያ ኦሶ ኡባን፥ ህንተ ኡሉዋ አይፍያን፥ ህንተ መህያ አይፍያንነ ህንተ ቢታ አይፍያን ዳርሲደ አንጃና። አያዉ ጎፐ፥ ካሰ ህንተ አዎቱዋ አንጅያዋን ናሸቴዳዋዳን፥ መና ጎዳይ ሀእ ህንተና አንጅያዋንካ ናሸታና።

“ሽን ህንተ ዎዛናይ ዎራ ስምና፥ ህንተ አዛዘተናን እጾፐ፥ ሀራ ጾሳቶ ጎይኖፐ፥ ቃይ ኡንቱንቶ ኦፐ፥ ህንተ ዉር ያናዋ ታን ሀች ህንተንቶ ኦዳይ። ዮርዳኖሳ ፕኒደ፥ ህንተ ላታናዉ ብያ ጋድያን ህንተ ላይይ አዱቀና።

“ታን ሀች ህንተና አዛዝያ ሀ አዛዙ ሄዋ ኬሻ ዴጾ ግደና፤ ህንተፐ ሃኮካ ግደና።

ህንተ፥ ‘ኑን ስሲደ አዛዘታናዳን፥ ሳሉዋ ከሲደ ኑዉ ዎናዌ ኦኔ?’ ጌናዳን ሳሉዋን ደኤና።

‘ኑን ስሲደ አዛዘታናዳን፥ ኑዉ አባ ፕኒደ አሀናዌ ኦኔ?’ ጌናዳን አባ ሄፍንን ደኤና።