Popular Bible Verses from रोमियो 1

Share

मैं अच्‍छी खबर सै ना सरमाबौ हौं, कैसेकै अच्‍छी खबर मुक्‍ति पानै के ताँई, जो उसके ऊपर बिसवास करै है, उन सबके ताँई परमेसर की सकति है पैले यहूदी के ताँई फिर यूनानी के ताँई।

कैसेकै अच्‍छी खबर जौ बताबै है कै परमेसर के संग आदमी को सई रिस्ता कैसे बनै है। जौ रिस्ता सुरू सै लेकै आखरी तक बिसवास मै टिको है, जैसो लिखो है, “धरमी आदमी बिसवास सै जिन्‍दो रैहगो।”

जब सै परमेसर नै दुनिया कै बनाओ तब सै उसकी कबी खतम ना होनै बारी सकति और उसको परमेसर बारो सौभाब जो हमकै दिखाई ना देवै हो, बौ हमकै उसकी बनाई भई चीजौ मै दिखाई देवै है और हम समजै हैं। इसताँई लोगौ के धौंरे कोई बहानो ना है।

कैसेकै उनौनै परमेसर कै जानते भए बी परमेसर लायक बड़ाई और धन्‍नबाद ना करो, पर बेकार बात सोचल लगे, बे मूरख बन गए और उनकी बुद्‍धि भरस्ट हो गई।

कैसेकै उनौनै परमेसर की सच्‍चाई की जघै मै झूँट अपनाओ और बनाई भई चीजौ की पूजा और सेवा करी, पर उस बनानै बारे की ना, जो युगौं-युगौं तक धन्‍न है। ऐंसोई होए।

परमेसर को कोप सुरग सै उन लोगौ के सब तरै के अधरम और अनियाय मै परकट होवै है, जो बुराई के दुआरा सच्‍चाई कै दबाए रक्‍खै हैं।

इसताँई परमेसर नै उनकै बुरी इच्‍छा के बस मै छोड़ दओ, हिंया तक की उनकी बईयरौं नै मरदौं के संग को सम्बंध छोड़कै आपस मै बईयरौं के संग सम्बंध बनाल लगीं। बैसेई आदमी बी बईयरौं के संग सौभाबिक सम्बंध कै छोड़कै आपस मै गलत सम्बंध बनानै की इच्‍छा मै जरल लगे, और आदमिऔ नै आदमिऔ के संग गलत सम्बंध करकै अपने सरीर मै उसकी ठीक सजा पाई। जब उनौनै परमेसर को सच्‍चो गियान पानो सई ना समजो, तौ परमेसर नै बी उनकै जो ना सोचनो चँईऐ, बौई सोचनै के ताँई और जो ना कन्‍नो चँईऐ बौई कन्‍नै के ताँई छोड़ दए।

बे अपने आपकै समजदार कैबै हैं पर बे मूरख बन गए। कबी खतम ना होनै बारी परमेसर की महिमा कै खतम होनै बारे आदमी और पंछिऔ, जनाबरौ और रिंगनै बारे जनाबर के हाँई मूरतिऔं मै बदल दओ।