Popular Bible Verses from 1 कुरन्‍थियों 15

Share

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

पर हम अपने बा परमेसर को धन्‍नबाद देवै हैं, जो हमरे परभु ईसु मसी दुआरा हमकै जीतावै है।

धोको ना खाऔ, “बुरी संगत अच्‍छे सौभाब कै बिगाड़ देवै है।”

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

“अरे मौत तेरी जीत कहाँ भई? ओ मौत तेरो डंक कहाँ है?” मौत को डंक पाप है और पाप की सकति नियम है।

सुनौ, मैं तुमकै एक छिपी भई बात कैरओ हौं कै, हम सबई मरंगे ना पर सबई बदल जांगे। और आखरी तुरही बजातेई हम नैकदम्मैई बदल जांगे, यानी पलभरमैई। कैसेकै जब तुरही बजैगी तबई मरे भए अमर हो कै फिर सै जिन्‍दे हो जांगे।

कैसेकै जैसे एक आदमी दुआरा मौत आई, बैसेई एक आदमी दुआरा मरे भएऔं मै सै फिर सै जिन्‍दो होनो भओ। कैसेकै हम सबई आदम सै हैं और मौत हमकै बाई सै मिली है, और बैसेई मसी के दुआरा सबई कै फिर सै जिन्‍दो करो जागो।

कैसेकै ऐंसो जरूरी है कै, जौ नास होनै बारो सरीर, ना नास होनै बारे सरीर कै अपनाऐ, और मरनै बारो सरीर अमरता कै पैहरले।

कैसेकै जब तक परमेसर मसी के दुसमनौ कै बाके पाँऐ के नीचे ना लाऐ, तब तक मसी को राज कन्‍नो जरूरी है। सबसै आखरी दुसमन जिसको नास करो जागो, बौ मौत है।