Popular Bible Verses from उत्पत्ति 37

Share

एक बार यूसुफ सपनो देखी, और जब बौ अपने भईय्यन कै जाके बारे मैं बताई, तौ बे बासे और भी जाधे नफरत करन लगे।

याकूब अपने सब लौड़न से जाधे यूसुफ से प्यार रखत रहै, काहैकि बौ बाके बूढ़ो के समय मैं पैदा भौ रहै। और बौ बाके ताहीं रंग बिरंगो पूरी बाँह बारो एक लम्बो अंगरखा बनबाई।

जब यूसुफ के भईय्या देखीं कि बाको दऊवा यूसुफ कै उनसे जाधे प्यार करथै, तौ बे अपने भईय्या से इत्ती बैर करन लगे, कि बासे ढंग से बात भी नाय करत रहैं।

तौ यूसुफ एक और सपनो देखी, और अपने भईय्यन से कही, मैं आज एक और सपनो देखो हौं, सूरज, जोनी और ग्यारह तारा लोहोक्कै मोकै नमस्कार कर रै हैं।

यूसुफ के भईय्या बासे जलन करन लगे, लेकिन बाको दऊवा जे बातन कै याद रखी।

बौ फिर कहथै, “मैं जो सपनो देखा रहौं बाकै तुम सुनौ। हम सब खेत मैं गेहूँ के पुरा बाँधत होथैं, तभई मेरो पूरा उठकै सीध ठाड़ गौ। और तुमरे चारौ घाँईं से एक घेरा बनो और बाके अग्गु झुक गौ।”

अब आबौ, हम बाकै मारकै कोई गड्डा मैं फेंक देमैं। हम घर जाएकै कह देंगे कि बाकै जंगली जानवर खाएगौ। तौ हम देखंगे कि बाके सपनो भविस्य मैं कैसे पूरे होथैं।”

और जब कुछ मिद्दानी ब्यापारी हूँना आथैं, तौ बाके भईय्या यूसुफ कै कुआँ से बाहर निकारीं और बाकै इस्माएली कै बीस चाँदी के सिक्का मैं बेंच देथैं, जो फिर बाकै बे मिस्र मैं लै चले जाथैं।

बे एक दुसरे से कहीं, “बौ सपनो कै देखन बारो हिंयाँ आएरौ है।

भईय्या बाकै दूर से देखी, और जासे पहले कि बौ उनके झोने ले पहोंच पातो, बे बाके खिलाप साजिस बनाई और बाकै मार डारन को मन बनाईं।

“रूबेन उनसे कही, खून मत बहाबौ, पर बाकै निर्जन प्रदेस के जौ गड्डा मैं फेंक दियौ। बाकै चोट मत पहुचाबौ।” बौ उनके हाथ से यूसुफ कै छुड़ाएकै दऊवा के झोने पहुचानो चात रहै।