Popular Bible Verses from रोमी 7

Share

मए परमेश्वरके धन्यबाद देत हओं, काहेकी बा एक हए जौन मोके येशू ख्रीष्ट, हमर प्रभुके कारणसे बचात हए। मिर हृदयमे मए परमेश्वरको नियम कानुन पालन करन चाँहत हओं, पर मिर पापी स्वभाबके कारण मए लगातर पाप करबैठत हओं।

काहेकी मए जानत हओं, कि मोएमे अर्थात् मेरे पापमय आदमीको स्वभाबमे कोइ अच्छी चीज बास नाए करत हए, भले काम करनके ताहीं इच्छा त मोएमे हएं पर उनके करनके मोसे नाए हुइपात हए।

काहेकी असल काम जो मए करन चाँहत हओं बा मए नाए करत हओं, पर खराब काम, जो मए करन नाए चाँहत हओं, बहे मए करेकर्त हओं।

अब मए जो इच्छा नाए करत हओं, बहे करत हओं कहेसे बो करन बारो मए नाए हओं, पर मिर भितर रहान बारो पाप हए।

जहेमारे अच्छो काम करन ढुणतए-ढुणत फिर मए बहे करत हओं जो खराब हए। जहे नियम कानुन मेरे जीबनमे काम करो अनुभव मए करत हओं। काहेकी मए अपनो पुरा मनसे त परमेश्वरको नियम कानुनसे बहुत खुसी राहात हओं।

और अगर जो मए नाए चाँहत हओं बहे खराब काम मए करबैठत हओं कहेसे तओ मए मानलेत हओं, कि नियम कानुन अच्छी हए।