Popular Bible Verses from रोमी 10

Share

काहेकी अगर तुम येशूके प्रभु हए कहिके अपनो मुँहुँसे आदमीनके अग्गु स्वीकार करोभओसे जिन्दा करीहए कहिके अपनो हृदयमे बिश्वास करे कहेसे परमेश्वर तुमके उद्धार देबैगो।

काहेकी हम अपने हृदयमे बिश्वास करत हएं जहेमारे हम परमेश्वर द्वारा धर्मी घोषित करेजात हएं। और हम अपने मुँहुँके इस्तमाल करत हएं जा कहानके ताहीं, कि हम बिश्वास करत हए, और जहेमारे हम उद्धार पातहएं।

जहेमारे बिश्वास तब्ही आतहए जब तुम सन्देश सुन्त हओ, और जा सन्देश ख्रीष्टके बारेमे बचन हए।

काहेकी अगमबक्ता, यशैया ख्रीष्टके बारेमे पबित्र-शास्त्रमे लिखी हए, “जो कोइ बामे बिश्वास करैगो, बो कभी निरास नाए होबैगो।” यहूदी और ग्रीक भाषा मस्कन बारेमे कोइ फरक नाएहए। जहेमारे, कि परमेश्वर सबको प्रभु हए; और मदतके ताहीं बाके बुलान बारे सब उद्धार पातहए। काहेकी जा लिखो हए, “प्रभु बे सबके उद्धार करैगो जौन बाके नाउँसे मदत माँगैगो।”

और कोइ आदमी परमेश्वरके बारेमे बतानसे पहिले बो आदमीके पठान चाहो। जहेमारे पबित्र-शास्त्र कहात हए, “अच्छो समाचार परचार करन बारेनको पाउँ कित्नो सुथ्रो हए!”

लेकिन प्रभुसे मदत माँगनसे पहिले आदमीनके बामे बिश्वास करनके चाहो; और बिश्वास करनसे पहिले आदमीनके बाके बारेमे सुननके चाहो; और आदमी प्रभुके बारेमे सुननके ताहीं कोइ आदमीके प्रभुके बारेमे बतान चाहो।

काहेकी ख्रीष्ट पहिलीएसे बो उदेश्यके पुरा करी, जोके ताहीं नियम कानुन दओगओ रहए। जाकेमारे, जो कोइ फिर बामे बिश्वास करत हए बे परमेश्वरके सँग धर्मी ठहिरत हएं।