Popular Bible Verses from उत्पत्ति 21

Share

योहोवा जसो कयो तसोत सारा क फोम राख्यो की ओका सात आपनो बुल क ओनसारे करीयो।

परमेश्वर न हेना पुर्या क सोमळ्यो, आरु ओका दुत न सोरोग सी हाजीरा क आयड़ीन कया, “हे हाजीरा, तारे काय होय गोयो? मा बीहये; काहकी जा तारु पुर्यु छे चां सी ओकी ओवाज परमेश्वर क सोमवली छे। उठ, आपसा पुर्या क चूट आरु आपसा हात सी सोमाळ; काहकी हांव ओका द्वारा एक मोटी जाती बोनावीस।”

सारा अब्राहम सी भारेपाय होयी; आरु हेरा डाहवारा मा ओको नावाड़ले टेम पोर जु परमेश्वर तेनाक टाकलो हुतो, एक पुर्य होयो।

आरु सारा न कयी, “परमेश्वर न मक घोनो खुश कोरलो छे; ओतरान कोरीन आखा सोमळनेवाळा वी मार सात मा खुश होवसे।”

बाखुन परमेश्वर अब्राहम सी कयो, “हेना पुर्या आरु आपसी दासी क कारण भुण्डो नी लागे; जी वात सारा तुसे कोहि, तेनीक मान, काहकी जी तारी ओवलीयाद कोवायसे ची इसहाक सीत चालसे।

दासी क पुर्या सी वी मे एक जाती उबजाड़ीस, ओतरान कोरीन की हुयो तारो ओवलीयाद छे।”