Popular Bible Verses from उत्पत्ति 17

Share

जोत्यार अब्राम एक कोम सोव सालोन होय गयो, ती योहोवा न ओको दर्शन दिन कयो, हांव सर्वशक्तिमान ईश्वर छे; मारी हाजरी मा चाल आरु खोरु होयतु जा।

ओतरान कोरीन हीमी गोथो तारो नाव अब्राम नी रोहसे, बाखुन तारो नाव अब्राहम होयसे; काहकी मे तुखे जातीयो क टुळा क मुलपिता बोनाय देदलु छे। (रोम. 4:17)

आरु हांव तारे पुठी, आरु तारा वाद की पीढ़ी पीढ़ी लोगुन तारा ओवलीयाद क सात वी इने आशय क जोलोम जोलोमन वायदु बान्धो, की मे तारे आरु वाद क तारा ओवलीयाद क वी परमेश्वर रोहिस। (लुका 1:55)

देख, मारु वायदु तारा सात मा बान्दायलु रोहसे, ओतरान कोरीन तु जाती क टुळा क मुलपिता होय जाईस।

ती परमेश्वर न कयो, “खोरी तारी लाड़ी सारा क तार सी एक पुर्य पोयदा होयसे; आरु तु ओको नाव इसहाक राखजी; आरु हांव ओका सात मा ओसी वाचा बान्धीस जी ओका वाद मा ओकी ओवलीयाद क लीय जोलोम जोलोम् की वाचा रोहसे।

आरु हांव तुखे, आरु तारा वाद तारा ओवलीयाद क वी, यो आखो कनान देश जेनामा तु हुलक्र्यु होईन रोहतलु, इने रीते आपीस की चो होमीशा–होमीशा ओकी घोरुन जागु रोहसे, आरु हांव हेन्दरु परमेश्वर रोहिस (प्रेरी. 7:5)

ती अब्राहम मुयोन भुरसे हुट पोड़यु आरु हासने, आरु मोनोत मोनोम कोहने लाग्यु, “काय सोव साल क मानुसक वी ओवलीयाद होयसे आरु काय सारा जी नोब्बे साल की छे पुर्य जोनसे?”

ओळी परमेश्वर न अब्राहम सी कयो, “तारी जी लाड़ी सारै छे, ओको तु हिमी सारै झुण कोहे, ओको नाव सारा होयसे।

तुमु आपनी आपनी खालड़ी क खतनो कोराय लेजु : जु वाचा मारे आरु तुमरे वीच मा छे, तेरो यो सोहलानी होयसे।

बाखुन हांव आपसी वाचा इसहाक पुठीत बान्दीस जु सारा सी अगले साल इने टेमे पोयदा होयसे।”

पीढ़ी पीढ़ी मा केवल तारा ओवलीयाद काज मानुस नी बाखुन जु तारे घोर पोयदा होयला छे, अथवा परदेशियो सी पोयस्‌या आपीन मुले ली लेजु। जु तारा घोर मा पोयदा होये, अथवा तारा पोयस्‌या सी मुले लेदलो रोहे, ओको खतनो वी कोरनो; ओस कोरीन मारा वायदान सोहलानी तुमरा डीलो मा रोहसे हुयो जोलोम जोलोम् रोहसे।