Popular Bible Verses from उत्पत्ति 3

Share

आखरी जब बइ ने देख्यो कि उ झाड को फल खान मे अच्छो, अरु देखना मे मनोहर, अरु बुद्धी देन का लिये चाहनो जसो भी हइ, तब ओने ओमे से तोडी खे खायो; अरु अपना अदमी खे भी दियो, जो ओका साथ थो अरु ओने भी खायो.

परमेश्वर ने जेत्ता जंगली जनवर बनाया था, उन सब मे साप चलाक थो, अरु ओने बइ से बोल्यो, “का सच हइ, कि परमेश्वर ने बोल्यो, तुम या बगीचा का कोय भी झाड को फल नी खानु?”

अरु मी तरा अरु या बइ का बीच मे, अरु तरा वंश अरु येका वंश का बीच मे बैर पैदा कर्यु, उ तरा माथा खे कुचली डाल्ये, अरु तू ओकी येडी खे चाब्ये.”

फिर बइ से ओने बोल्यो, “मी तरो दुख अरु तरा पेटसे होन को दुख खे भोत बडायु; तू तडफि खे बच्चो पैदा कर्ये; अरु तरी लालुच तरा अदमी का तरफ हुये, अरु उ तरा पर हक्क जताये.”

अरु अपना पसीना की रोटी खाया कर्ये, अरु आखरी मे मट्टी मे मिली जाह्ये; क्युकि तू ओमे से निकली आयो हइ, तू मट्टी तो हइ अरु मट्टी ही मे फिर मिली जाह्ये.”

अरु आदम से ओने बोल्यो, “तोने जो अपनी लुगय की बात सुनी, अरु जो झाड को फल का बारे मेने तो खे आज्ञा दि थी कि तू ओ खे नी खानु, ओ खे तोने खायो हइ, येकालिये जमीन तरा कारन श्रापित हइ, तू ओकी उग्यो जीवन भर दुख का साथ खाया कर्ये.

परमेश्वर ने बोल्यो, “कोने तो खे बातायो तु बिना कपडा को हइ? जो झाड को फल खान का लिये मेने तो खे मना कर्यो थो, का तोने ओको फल खायो हइ?”

येकालिये आदम खे ओने निकाली दियो अरु जीवन का झाड को रस्ता को पैरो देन का लिये अदन को बगीचा का पूर्व का तरफ करुबो खे, अरु चारी तरफ घूमन आली अंगार जसी तलवार खे भी नियुक्त करी दियो.

आदम ने अपनी लुगय को नाम हवा रख्यो; क्युकि जेत्ता इन्सान जिन्दा हइ उन सब की मूलमाता वा हुय.