Popular Bible Verses from BAROMA 14

Share

Buno ubutwa bwa Kyala bukaya bwa fyakulya mma pamo bwa fyakunwa, loli ubwene bo bugolofu, nulutengano, nulusekelo mu mwa Mbepo Mwikemo. Namanga uyu linga ikumbombela Kristi muli sisisi, yo ikunkyela itolo Kyala, yo bope nabandu bikumwitikila.

Namanga apa tuliko kubumi, po tuli bumi mu muNtwa; napa tukufwa tukufwila mu muNtwa; bunobuno lelo napa tuli bumi, napa tukufwa, tuli ba yu Ntwa.

Popapo lelo atusikongege imbelalutengano, na si sya kuyengana twe babo batupu.

Popapo lelo atulekege ukulongana; isyene loli inunupo ukulonga syo sya kuti, Nayumo angampelelaga ugwamyabo simo isya kufulala mundumbula nisya kungwisya.

Namanga lisimbigwe ili likuti, “UNtwa ikuti Bwila bondiko, abandu bosa bisakufugamaga nkyeni mmyangu, po umundu gwesa isakunjobaga une ukuti ne Kyala.” Bunobuno lelo twesa itolo muno tuyilile, tukwakwiyobelaga kwa Kyala uyu isyake uyu isyake.

Uyu linga monywa ulwitiko, yo mumwambililege; komma ukukanikana nagwe pali isi ikwinogona umwene.

Gwani gwe gwati undongege umbombi gwa yungi? Napa linga ikwima pamo ikugwa, syosa sili mu muntwa gwake; loli isakwimaga, papo uNtwa yo amenye ukumpelela ukwima.