Popular Bible Verses from BAROMA 12

Share

Mungifwanikisyaga nikisu kikiki, loli mwanduligwege itolo nubupya bwa nyinogono syinu; ukuti musimanyege isi iganile Kyala, inunu, ingyeligwa, nimbelelesye.

Mwe bamyitu, nikubapyelekesya nkibabilisi kya Kyala, ukuti mwiningege imibili gyinu ukuya ikemo ifyumi, ilisitakababye, ilikyeligwa kwa Kyala; bo buyege bubombeli bwinu bwa mahala.

Ndusubilo mo musekelege itolo; mbutolwe mo muyege bafindang'oma; ndwiputo mo mumilisyege itolo.

Komma ukulamba kumbibi, loli imbibi usilambikilege nubununu.

Ulwene ulugano ulwa bunyamundu, lo mugananege mwe babo batupu; ulwimiko lo mukindililege ukwimikana.

Ulugano lo lungayaga nubusyobi; mubusyokelege ububibi bosa, mubumililege bu bununu.

Linga mwagile sibitike umwe, po muyege ndutengano nabandu bosa.

Mwe bamyitu, mungabukisaniaga ikibuli, loli ingalalisi syo mundekelege yu Kyala; buno lisimbigwe ili likuti, “Ulubukisyo lo lwangu, nisakubusyaga yuyune, bo ikuya uNtwa.”

Nkwiyula mungayetaga, isyene imbepo sya munda syo sipyege itolo, mumbombelege yu Ntwa nindumbula yosa.

Bunobuno lelo mwipyana ili mbegigwe, mo nikubabulila mwesa nkilundilo kyinu, ukuti nayumo angikisyaga ukwiyinogonela, ukukinda papo abagile ukwiyinogonela; loli ukwinogonela mbutengamoyo, yumoyumo afwanege nikigelelo kya lwitiko ulu Kyala ampele.

Mungangomokesyaga yumo imbibi pambibi; mwinogonege isi syo nunu nkyeni mbandu bosa.

Amuyege ndumbula yimoyene mwesa muno muyilile; munginogonaga isya lwiyumbiko, loli mwitugasaniege nabaywelufu; komma ukwiyoba amahala mwibene.

Loli buno lisimbigwe ili likuti, “Linga gwagile undugu gwako ali ninjala, po umpege ifyakulya; linga umilwe, po umpege amisi; namanga linga ubombile bo bunobuno, po kwisakundundikilaga ingalabula sya moto pantu pamyake.”

Mubasumilege ulusayo aba bikubafwima, ena munsumege Kyala ukuti abasayege, komma ukubaguna. Amusekelege nabo aba bikusekela, mulilege nabo aba bikulila.

Ifi linga muli nafyo, fyo mulilanilege nabaKristi abininu; mwiyulege ukubambilila abahesya.

Namanga bo apa mumbili gumogwene tuli nato utumbakasya tu twingi, loli utumbakasya tosa tutikubomba imbombo yimoyene, bunobuno nanuswe twe bingi, twipelile ukuya mbili gumogwene mwa Kristi, uyu kambakasya ka nnine, uyu kambakasya ka nnine.