Popular Bible Verses from BAROMA 1

Share

Namanga une ndi nulusubilo pa Nongwa Inunu; buno isyene go maka ga Kyala ga kumpokela gwesa uyu ikwitika, unJuda tasi, po lelo nunGriki.

Buno mo mumo busetuligwe ubugolofu bwa Kyala, ukufuma ndwitiko ukulabila ndwitiko, bo apa lisimbigwe ili likuti, “Ungolofu ikubwagilaga ubumi mu ndwitiko.”

Namanga akayilo kake aka katikuboneka nikubala amaka gake ga bwila na bwila nubwaKyala bwake kabonekile pabwelu ntundu utu apelile ukufuma mbwandilo bwa kisu. Popapo abene bakaya nisya kwinokesya

buno napa balimmenye Kyala, balinkusita nukumwimika ukuti yo Kyala, kangi balinkusita nukugwa ulupi kumyake; loli balinkwipela ba itolo munyinogono syabo, kangi indumbula syabo isitamahala silinkwipela ngisi.

papo abene busaniaga ubwanaloli bwa Kyala nubutungulu, balinkwiputa nukukibombela ikipeligwa ukukinda Umpeli, uyu yo mwimikigwa bwila na bwila itolo, Amen.

Namanga ingalalisi sya Kyala sisetuligwe ukufuma kumwanya pa butulanongwa bosa, nubuniongafu bwa bandu bosa aba bikubugomolela kunyuma ubwanaloli nubuniongafu bwabo.

Ko kuno Kyala alinkubaleka mfinyonyo fya buywelufu; namanga abakikulu babo balinkwandula imbombo ya mibili gyabo ukufwana muno bapeligwe, balinkubomba isi bakapeleligwe ukubomba. Bope nabanyambala bububo; balekile ukuya nabo abakikulu bo papo bapeligwe, balinkunyonywana babo batupu, mfinyonyo, abanyambala babombaga nabanyambala abinabo ingosyasoni, kangi biyegelaga ifihombigwa ifi fifwene nubusobi bwabo. Lelo bo apa bakasilondaga isya kummanya bununu Kyala, umwene Kyala alinkubaleka munyinogono isya itolo, nukuti babombege isi sikabagila.

Abene bo bikwiyoba ukuya ba mahala, balinkwipela ukuya bakonyofu, balinkusania ubukulumba bwa Kyala unsitakuyonga nikifwani kya mundu umbuguyufu, nikya njuni, nikya finyamana, nikya ifi fikwendela inyanda.