Popular Bible Verses from Galatia 5

Share

Tapi amun ikan tonguasa Roh Mohotara, buaeh iyohco: nyangit masi, jorih jerah, bolum ponah ngolandah, bosabar ponah kosusah, herak dohop dongai, herak umpi aang co pio, lian tomorocaya, aroko pongasar, hegah ngolawan kojere arop eh. Arelu oko poraturan ome bewe co ngosiit dulun ika bolum isan iyoh!

Ngonehbat antun kuh tuh! Horoholuh bat bolum sosuai ma kojere Roh Mohotara. Maka, mositi ikan aroh angar umpi kojere kolunon co jahat.

Roh Mohotara ocop mubah ito bolum jarin baa. Poko tului iyoh, kelehbat ito mahi hopompaluh bolum sosuai ma bimbingan Roh Mohotara.

Kawan dulun co jarin pengikut Kristus Yesus, iroh ocop umbot bolum sosuai ma hawa napsu hintang kojere beti. Ibarat eh kojere isanioh tongompatoi nyan sompolaki

Ocop korinah kotonta kuan gawin dulun co bolum sosuai ma kojere beti co jahat. Sobagai cuntu: hokoruh arinai kawin, hokoruh isan ocin, numba hawa napsu, nyembah nyuku aranaang co bokon hangki Mohotara co bujur, hapo kawan kaji, ngodolee dongai, hojawap, porasaan bosingon, jarin nyua ponyingi, menting arop tarop, nompi paut bantah antara konduang bakah bawe, hojolahan baya ma dulun co tomanggap penting, jere aang co dulun empui, hokorih tolangkun kobuso, ngecat kuman ngorih rami-rami, hintang kokon dosa co bokon ma onon. Akuh poringat ikan isan co piji akuh mantun soun ma otuh: Kawan dulun co hopompahui umpi kawan angco isan onon aroh angar jarin warga Korojaan Mohotara.

konduang kuh bakah bawe, ikan ocop tomili Mohotara ika jarin dulun lampas. Tapi onon aroko borati ikan bebas ika bolum sosuai ma kojere kolunon co jahat. Sobalik eh, ngorinah mongasihi ma cara dohop kawan dongam me.

Kojere kolunon co jahat hokolawan ma kojere Roh Mohotara. Hintang kojere Roh Mohotara hokolawan ma kojere kolunon. Duo kojere cotuh nyangit botentangan, sohinga ikan horoholuh aroko lian nguan kawan aang co tongonyere me nguan.

Kokon porentah hintang poraturan Mohotara nyan buku Hukum Torat tonyimpul ponah ico porentah: “Mongasihiboh samah arop me samahma iko mongasihi aropmu tarop.”

Arohbat ito jarin bolecak. Arohbat ito nyangit hokompanas dongan to ika jarin angit. Arohbat nyangit hokosingon dongai eh.

Kristus ocop mombebas ito ika to bujur-bujur lampas. Tului iyoh, aroh hopuli kole jarin isan cipon co sobulih nanggung beban.