Popular Bible Verses from Galatia 2

Share

Awi akuh aroh bolum kolema cara isan batuh. Makitu, Kristus bolum nyan ponah atoi kuh. Akuh bolum nyan beti cotuh ma cara baa awi akuh porocaya ma Are. Are iyohco Anak Mohotara co korinah mongasihi akuh. Are lera matoi sobagai kurban co kanti akuh. Tului akuh porocaya ma-eh, dosang kuh tomongampun.

Akuh aroh angar piji kuloi ma kopio Mohotara yoh oluco ito aroh patut norima eh! Ito aroh boraoi jarin bujur nyan ponoto Mohotara amun ito bousaha tuhit ma Hukum Torat. Soandaieh ito boraoi jarin bujur ma cara cioh, borati arelu oko alasan Kristus sobulih matoi.

Kaih: Paulus, Petrus kawun dulun Yahudi co bokon co porocaya iyohco koturunan dulun Yahudi. Dulun Yahudi monganggap uras dulun co bokon ma Yahudi iyohco ‘dulun bodusa’ awi iroh aroh tuhit ma Hukum Torat. Batuh kaih mahi bopikir isan iyoh ka. Tapi makitu kaih ocop monau bahawa dulun aroh jarin bujur nyan ponoto Mohotara tului iroh tuhit ma Hukum Torat. Dulun jarin bujur nyan ponoto Mohotara baya tului iroh porocaya ma Kristus Yesus. Ononboh alasan eh kaih mahi ocop porocaya ma Kristus Yesus. Kaih jarin bujur nyan ponoto Mohotara awi kaih porocaya ma Kristus, aroh tului kaih tuhit ma Hukum Torat. Aang cioh ocop tonulih ponah Surat Borasih. “Arelu oko ico beti mahi co jarin bujur nyan ponoto Mohotara” tului cara tuhit ma Hukum Torat.