Popular Bible Verses from Kesah Rasul 2

Share

Hien Petrus museh iroh, “Naat eh bat dosam me paluh ngonyorih songan Mohotara, Ikan sobulih tomombaptis ponah aran Yesus, Laca Co Tomonjanji Mohotara iyoh. Ma isan iyoh dosam me tomongampun hintang angar norima Roh Mohotara.

Iroh horoholuh tumun ajaran kawan rasul. Kokon doh derek bokumpur ma kawan dulun bokon co porocaya. Iroh derek kuman hintang bodoa sama-samah.

Roh Mohotara monguasai kokon doh, paluh nompi iroh hopomasing hopander hapo kawan bohasa co aroh piji iroh bolajar eh.

Uras doh tuot nyan intin, nongkocok oko anco muhing ingkan langit. Uhing eh nain kodaras uhing ondolowut. Uhing cioh daras lau, ngoponu ngolauh lopo cioh. Opah iyoh iroh kito aang co pongitan doh isan ori apui. Apui cioh topisah pisah isan potongai eh isan kawan cola, tondo paluh nukui nyan iroh hopomasing. Roh Mohotara monguasai kokon doh, paluh nompi iroh hopomasing hopander hapo kawan bohasa co aroh piji iroh bolajar eh.

Sika ondo iroh bokumpur nyan polontaran Lopo Mohotara. Iroh bokumpur hico songa hico pikir. Iroh ka derek hotolindah hobara ika kuman samah-samah nyan kawan lopo doh hintang iroh mahi moraya Perjamuan Kudus. Iroh umpi kokon antaiyoh ma kotuun songa hintang jorih korinah, samir nara Mohotara. Kokon dulun herak ma iroh. Kolompok dulun co porocaya yoh botambah orong awi sika ondo oko dulun co tonyolamat Tuhan.

‘Mohotara mantun, “Nyan kawan ondo torahir, Akuh angar mihi Roh Kuh hia kokon dulun. Paluh kawan anak me, bakah hintang bawe, angar mantun tungon-Kuh ma kawan dulun. Kawan lehoi me angar haba kawan ponoto ingkan Mohotara. Kawan dulun ongko me angar nupi kampa ingkan-Akuh.

Kokon dulun co porocaya tenden hokohico. Iroh uras nongkomo kokon anco oko, aroh tiroh tarop tapi sama-samah empui. Maka derek oko ingkan halo iroh co borakang harta doh. Hasir ingkan lekan anco toborakang doh yoh, tohobagi ma dongan doh co porulu tongondohop.

Nyan ondo cioh, kokon dulun co nyawot pondohop Eh, iroh angar tonyolamat.’ ”

Matanondo angar jarin pindong. Bulan angar jarin bohandang isan daha. Kawan ancioh angar tojadi sorinai Tuhan dombut. Ondo korombut Tuhan iyohco ondo co porulu hintang bohimat lau.