Popular Bible Verses from Kesah Rasul 11

Share

Kotahin ico toun, doruo nukui nyan intin. Nyan intin iroh derek hokumpur ma kawan dulun co porocaya ma Yesus. Orong dulun tomajar doh tintun Yesus Kristus. Nyan Antiokia yoh bat, poko tuhi kawan dulun porocaya ma Yesus yoh tonisi ‘Kristen’.

Kotika Barnabas dapot nyan Antiokia are kito cara pomolum doh borubah poko tului Mohotara umpi aang co pio indan doh. Poko tului iyoh Barnabas jorih lau, hintang paluh nyawot ika iroh porocaya ma Tuhan Yesus ma atoi co kuan-tuu. Nah, Barnabas iyohonon dulun co pio songai. Are hopompahui tonguasa Roh Mohotara. Karas lau koporocaya eh ma Yesus. Jadi, opah polayanan Barnabas, orong dulun co jarin porocaya ma Tuhan Yesus.

Opah ito porocaya ma Tuhan Yesus Kristus, paluh Mohotara mihi Roh-Eh indan to. Opah kawan dulun co bokon ma dulun Yahudi taiyoh porocaya, Mohotara mahi mihi Roh Eh indan doh. Amun Mohotara norima dulun bokon ma Yahudi isan iyoh, aroh bodai akuh songola kuloi iroh. Aroh bodai akuh ngolawan Mohotara!” Maka iyoh leh nain kesah Petrus nyan Yerusalem ma kawan dulun Yahudi co porocaya. Maka tului iyoh, iroh umbot nyala Petrus. Sobalik eh, iroh nara Mohotara. Hien doh, “Eeh! Sokalinya, dulun co bokon ma Yahudi mahi tonorima Mohotara. Ocop ihin Mohotara kosempatan ma iroh ika naat kawan dosan doh paluh tuhit bat ngonyorih songan Mohotara. Hapo cara cotuh, iroh mahi boraoi haba kobolum co kototahi nyan sorga.”