Шадраах, Мэшаах болон Абээд-Нэгоо гурбан Навуходоносор хаанда хэлэбэ:
– Үндэр түрэлтэ хаан, энээндэ маанадай харюусахын хэрэг үгы. Манай шүтэдэг Бурхан абарха аргатай гээшэ һаа, галаар дүрэлзэһэн пеэшэнһээшье, танай мэдэлһээшье маанадые абархал. Харин тиимэ юумэнэй болоошьегүй һаань, та, үндэр түрэлтэ хаан, мэдэжэ байгты: бурхадтатнай шүтэхэгүйбди, байгуулһан алтан хүрэгтэтнай мүргэхэгүйбди, – гэжэ харюусаба.