Popular Bible Verses from Kirjeine rimalaižile 6

Share

Grähkän paukan om surm, a Jumalan lahjan om igähine elo Hristosas Iisusas, meiden Ižandas.

Grähk ei linne enamba teiden ižand, sikš ku tö et olgoi käskišton, a olet armoiden valdan al.

Muga meid valatusen kal՚t anttihe surmale, pandihe kaumaha ühtes hänenke, miše mö zavodižim eläda ut elod, muga kut Hristosad eläbzoittihe kollijoišpäi Tatan hoštotesen vägel.

Algat antkoi ičetoi hibjan paloid grähkän valdha tehmaha pahut! Ku nügüd՚ olet sirdnus surmaspäi eloho, antkat ičtatoi Jumalale, a hibjan kaikutte pala hänen valdas tehkaha oiktoid azjoid!

Mö tedam: meiden «vanh minä» om pandud ristha ühtes hänenke, miše nece grähkhine hibj mänetaiži valdan i mö em oliži enamba grähkän valdas.

Muga tö-ki lugekat ičtatoi kolnuzikš grähkihe nähte i eläbikš Jumalan täht Hristosas Iisusas, meiden Ižandas.

Midäk mö sihe sanum? Pidab-ik meile jatkata grähkhišt elod, miše Jumalan armod tegižihe surembikš? Ka ei! Ku olem kolnuded grähkihe näht, ka kutak voižim edehepäi eläda grähkän valdas?

Ved՚ tedat sen, miše ku andatoiš orjiden kartte tehmaha kenen-se käsköid, ka linnet hänen valdas, kenele olet andnus. Tö vai andatoiš grähkiden valdha, mi veb surmha, vai olet Jumalan valdan al, mi tegeb teid oiktoikš.

Spasibod Jumalale, ku tö, ked edel olit grähkän valdas, nügüd՚ kaikel südäimel kundlet sidä opendust, mitte om teile anttud. Teid, grähkän orjid, om pästtud valdale, i nügüd՚ tö olet tozioiktusen käskabunikad.