Popular Bible Verses from Kirjeine rimalaižile 5

Share

No Jumal ozutab ičeze armastusen meihe sil, miše Hristos koli meiden täht, konz mö völ olim grähkhižed.

A nadei ei ve pahaze mel՚he, sikš ku Jumal om valanu ičeze armastust meiden südäimihe Pühän Hengen kal՚t, kudamban hän om meile andnu.

I ei vaiše necen tagut, a ahtištusen tagut-ki mö olem hüviš meliš, sikš ku tedam – ahtištused tegeba mehen tirpajaks, tirpand – vahvembaks, a vahvuz՚ sündutab nadejan.

Ku Jumal om tehnu tozioiktoikš meid, ked uskom, ka meil om meiden Ižandan Iisusan Hristosan kal՚t kožmuz Jumalanke. Hristos om avaidanu meile uskondan kal՚t ten armoihe, kudambiš mö nügüd՚ eläm. Mö olem hüviš meliš siš nadejaspäi, miše päzum Jumalan hoštoteshe.

Konz mö olim völ vägetomad, ka Hristos koli Jumalal märitud aigan jumalatomiden täht.

I ku hän nügüd՚ om tehnu meid tozioiktoikš ičeze verel, ka sidä teramba hän päzutab meid tulijas vihaspäi.

Kut ühten mehen kundlematomuz tegi kaikid grähkhižikš, muga ühten kundelmuz tegeb kaikišpäi tozioiktoid.

No nece völ ei ole kaik. Mö völ kitämoiš Jumalal, kudambanke tulim kožmusehe meiden Ižandan Iisusan Hristosan kal՚t.