Popular Bible Verses from Kirjeine rimalaižile 3

Share

sikš ku kaik oma tehnuded grähkid i heiš ei ole Jumalan korktad arvod. Ani muite, hänen armoiden kal՚t hö tegesoiš tozioiktoikš, sikš ku Hristos Iisus om pästnu heid valdale.

Nece Jumalan tozioiktuz՚ tuleb uskondan kal՚t Iisusaha Hristosaha kaikile i kaikiden täht, ked uskoba. Kaik oma ühtejiččed

Jumal pani händast žertvaks grähkiš. Hänen veri pästab grähkäd nenile, ked uskoba. Jumal om ozutanu ičeze tozioiktusen muga, miše pästi männuden aigan grähkäd opendamata niiš. Hän om tirpnu i tehnu necen, miše ozutada nügüd՚ ičeze tozioiktusen: hän iče om tozioiged i tegeb tozioiktoikš nenid, ked uskoba Iisusaha.

Ved՚ ni üks՚ mez՚ ei tehte tozioiktaks Jumalan edes eläden käskišton mödhe. Käskišton kal՚t mez՚ tedištab, miše hän om grähkhine.

Ved՚ om sanutud Pühiš Kirjutusiš: – Ei ole tozioiktad, ni üht, ei ole el՚gendajad, nikeda, ken ecib Jumalad. Kaik oma käraudanus tespäi i tehnus kožutomikš. Ei ole nikeda, ni üht, ken tegeb hüväd.

Mö vahvištoitam sen, miše mez՚ tegese tozioiktaks, ku hän uskob, a ei muga, konz hän tegeb sidä, midä tarbiž käskišton mödhe.

Ka ei! Olgha hot՚ kaik mehed kelastajad, Jumal üks՚kaik ei kelasta. Ved՚ om sanutud Pühiš Kirjutusiš: – Sinä linned oiged kaikiš ičeiž sanoiš, i sad vägestusen sudas.