Popular Bible Verses from Kirjeine efesalaižile 4

Share

Olgat toine toižele hüväd, žalleičijad da pästkat toine toižen abidod, muga kut Jumal om pästnu abidoid Hristosan täht.

Olgat toine toižele kaikes kundlijaižed da laskvad, püžugat tirpandas da armastuses.

Nimitte paha sana algha lähtkoi teiden suspäi, a pagiškat se, mi om hüvä, mi abutab uskondas i mi tob kulijoile hüväd mel՚t.

Tackat polhe kaik kurktuz, käreganduz, viha, kidad, lajindsanad i pahuz՚.

I ku tö verdut-ki, ka algat tehkoi grähkäd. Kožugatoiš edel päiväižen laskendad, algat antkoi sijad lemboile.

Sen opendusen mödhe teile pidab tacta polhe enččed elonverod i teiden vanh «minä», mittušt manitajad himod traviba. Teile pidab udištuda melel i hengel, sobdas udhe meheze, kudamb om tehtud Jumalan tahton mödhe i oigetud elämaha pühäd elod oiktuses i todes.

Pangat kaik väged sihe, miše kaita Hengen anttud ühtmust kožmusel, kudamb sidob teid ühthe.

Hän andoi uskondkundale kut apostoloid, muga Jumalan sanankandajid i hüvän vestin sanelijoid, kut paimnid, muga opendajid-ki, miše tehta jumalanuskojid vaumhikš služindradon täht, Hristosan hibjan sauvondan täht, kuni mö kaik ühtnem sihe-žo uskondaha i Jumalan Poigan tundemižehe. I muga mö kazvam i tegemoiš täuz՚igäižikš, ani Hristosan karččikš.

I sid՚ mö em olgoi jo pened lapsed, kudambid heilutab čurha da toižhe erazvuiččil opendusil da kudambid vällišpäd da manitajad mehed vedeleba ičeze tahton mödhe. Oldes toden da armastusen henges, mö kazvaškandem i tegemoiš kaikes mugoižikš kut Hristos, kudamb om kaiken pä.