Popular Bible Verses from Petran ezmäine kirjeine 3

Share

a pidägat Ižand Jumal ičetoi südäimiš pühän, i olgat kaiken vaumhed andmaha vastust jogahižele, ken küzub, miš om teiden nadei. No antkat se vastuz hilläšti da laskvas. Pidägat ičetoi heng puhthan, miše nenile, ked lajiba teiden hüväd elod Hristosas, tegižihe ani huiged siš, miš hö teid lajiba kut pahantegijoid.

Sikš ku Ižandan sil՚mäd kacuba tozioiktoiden polhe, hänen korvad kundleba heiden loičendoid, a Ižand libub nenid vasthapäi, ked tegeba pahut [miše küksta heid man pälpäi].

Algat čomenzoitkoi ičtatoi pälpäi – hibusiden sugindal, kuldripkil da kal՚hil sobil, a olgha teiden čomuz՚ peittud südäimehe, olgha se armastusen da hillän hengen čomuz՚. Sidä Jumal pidäb korktas arvos.

I sid՚ ken tahtoib armastada elod da nägištada hüvid päivid, pidelkaha ičeze kel՚ varhindoiš pahoiš sanoišpäi a huled – kelastusespäi. Käraukatoiš kaikes pahaspäi, a tehkat hüväd, eckat mirud i tahtoigat sidä.

Lopuks sanun: olgat kaik üks՚meližed, jagagat teiden ihastused da voikud kesknetoi, armastagat toine tošt, olgat hüväsüdäimeližed, hüvätabaižed da hilläd. Algat vastkoi pahal pahale, pahal sanal pahaze sanaha, a paremba blahoslovigat, teten, miše sidä tehmaha teid kuctihe-ki: tö sat jäl՚gestuseks Jumalan toivotadud blahoslovindan.

Ken voib tehta teile pahad, konz tö tahtonke tartut hüvihe töihe?

Käraukatoiš kaikes pahaspäi, a tehkat hüväd, eckat mirud i tahtoigat sidä.

Paremb om tirpta ahtištusid hüviden tegoiden tagut – olgha mugoine Jumalan vald – mi pahoiden tegoiden tagut.