Popular Bible Verses from Ефесын оліссезлӧ 4

Share

Ӧтамӧдныт дынӧ лоӧ небыт сьӧлӧмаӧсь, тӧждісьӧ ӧтамӧдныт понда, эд видзӧ лӧгнытӧ. Кристоскӧт ӧтлаасьӧмныт понда Еныс эд тіянӧс проститіс.

Сідзкӧ, лоӧ бур мывкыдаӧсь, рамӧсь, ыджыт мылааӧсь, радейтан сьӧлӧмсянь ӧтамӧднытӧ бурӧ пуктӧ.

Некытшӧм умӧль баитӧм ась оз пет тіян ӧмись. Баитӧ дзир бурӧ, медбы кывзісьсӧ вынсьӧтны веритӧмас да сылӧ бур вӧлі.

Лӧгувьяныт кучиксиныт петӧм, лёксялӧм, горӧтӧм, лӧгалӧмсянь курыт кыввез висьталӧм да умӧльсӧ баитӧм пыр кежӧ чапкӧ.

Лӧгувьяныт умӧльсӧ эд керӧ. Шонді пуксьытӧдз лӧгнытӧ кусӧтӧ да бурасьӧ, медбы кульыслӧ немӧн вӧлі тіянӧс кутны.

Тіянӧс велӧтісӧ кольны одззамоз олӧмнытӧ. Одзза моз олісь мортыс ковтӧмсӧ ӧзйӧтчӧмӧн керӧмсянь асьсӧ изводалӧ. Ассиныт мывкыднытӧ, ловнытӧ вильмӧтӧ. Пӧртчӧ виль вежа мортӧ, Еныс сьӧрті аркмӧтӧмӧ. Лоӧ Сы сьӧрті веськыта олісьӧн, вежаӧн да видзсьӧ быляс.

Вынсьӧтчӧ видзсьыны Ен Ловсянь йитчӧмын да лӧньын, кӧда тіянӧс ӧтлаӧтӧ.

Вичкуын Кристосыс ӧтіккезӧс сувтӧтіс апостоллэзӧн, мӧдіккезӧс ─ Енсянь юӧртіссезӧн, мукӧдсӧ ─ Бур Юӧр висьтасиссезӧн, мукӧдсӧ ─ веськӧтліссезӧн да велӧтіссезӧн. Нійӧ сувтӧтіс зорӧтны вежа отирсӧ, керны Еныслісь уджсӧ, вынсьӧтны Кристослісь Вывтырсӧ, Вичкусӧ. Сідз мийӧ быдӧнным локтам ӧтмоза веритӧмӧдз да Ен Зонсӧ бура тӧдӧмӧдз. Миян ловным вынсялас, пондам вачкисьны Кристосыс вылӧ. Сія эд быдсӧн бур.

Сэк мийӧ огӧ ни лоӧ учӧт челядь кодьӧсь. Огӧ ни сюрӧ быдпӧлӧс бӧбӧтана велӧтӧммезас, кӧдна тӧв моз ас сьӧраныс ӧтмӧдӧрӧ кыскӧны. Сэтшӧм велӧтӧммес петӧны ылӧтны кужись отирсянь. Но мийӧ радейтӧмӧн пондам висьтасьны быльсӧ. Сэк асьным зорамам да пондам вачкисьны Кристосыс вылӧ. Сія эд Юрыс