Popular Bible Verses from 1 Коринфын оліссезлӧ 12

Share

Еныс быд морт пыр мыччалӧ Ловлісь вынсӧ, медбы быдӧнныслӧ вӧлі бур.

Сідз и тійӧ, ӧтлаын ─ Кристослӧн вывтыр. Быдныт ─ Кристос вывтырись тор.

Сідзкӧ, умӧль кӧ ӧтік торлӧ, сыкӧт умӧль быд торлӧ. Ӧтікӧс кӧ ошкӧны, сыкӧт гажӧтчӧны быдӧнныс.

Ӧтіклӧ Лолыс сетӧ мывкыда кыв, мӧдіклӧ ─ тӧдӧмӧн сёрнитӧм. Мукӧдыслӧ Сія жӧ Лолыс сетӧ веритӧм, кинлӧкӧ ─ шогӧттэзісь веськӧтан вын, кинлӧкӧ ─ керны адззывлытӧмсӧ, кинлӧкӧ ─ Енсянь юӧртны. Кинлӧкӧ Лолыс сетӧ тӧдмавны, кытшӧм лов морт пытшкын. Мукӧдыслӧ Сія сетӧ мӧдік кыввез вылын баитӧм, а мукӧдыслӧ вежӧртны да вуджӧтны нійӧ кыввесӧ.

Этӧ быдӧс керӧ ӧтік Лов. Сія быдыслӧ сетӧ, кыдз Аслыс колӧ.

Еныс сідз керис, медбы вывтыраным эз вӧв етшасьӧмыс. Быд торыс ась ӧтмоза тӧждісьӧ ӧтамӧдныс понда.

Лолыс ӧтік, а верман-кужан козиннэсӧ сетӧ быдкоддезӧ. Дӧсвидзисьыс ӧтік, а Сылӧ кысъявны позьӧ быдмоза. Еныс ӧтік, и Сія Ассис уджсӧ быд морт пытшкын вермӧ керны быдмоза.

Вичкуас Еныс ӧтіккезӧс сувтӧтіс апостоллэзӧн, мӧдіккезӧс ─ Енсянь юӧртіссезӧн, куимӧттэзӧс ─ велӧтіссезӧн. Мукӧдлӧ сетіс верман-кужан козин керны адззывлытӧммез, мукӧдлӧ ─ веськӧтны шогӧттэзісь, кинлӧкӧ ─ отсасьны, кинлӧкӧ ─ кужны юравны, кинлӧкӧ ─ баитны мӧдік кыввез вылын.

Вывтыр абу ӧтік торись, сія уна торись.

Керсьӧ тай мӧдмоза: вывтырас вынтӧмжык торрес тай коланажыкӧсь.

Вывтырыс быдсӧн кӧ син, мыйӧн сэк шысӧ кывны? Быдӧс кӧ пель, мыйӧн сэк нюшкыны? Вывтырӧ быд торсӧ Еныс пуктіс сідз, кыдз Сылӧ коліс. Быдӧс кӧ вӧлі бы ӧтік тор, кытӧн сэк вывтырыс?