Popular Bible Verses from Feilibi 2

Share

Yan shiqinniliuzhe zinie goyadene oluzhi bu gie, minshenni tanxin bu gie, goyane meilade uzhezhi kunlai goyasene fugiede uzhe. Zinie goyane shiqinni bu gui, kunlai shiqinniye gui.

Ta zhughene Mexiha Ersa i zhughe mutun gholugha.

Hhende Hudai yanzi winema, goyane Hudaghala pindane giezhi xiacha ese giedene Kharei goyane yanyanjilai bendazhi hojini yanzi gholuzhi kun mutun oluwo. Kunni yanzi mutun irese Goyane meilade uzhezhi fugutula shunjiwo, da shizijia jiere fuguwo.

Tai sudoro wilie giezhi goya gou isine gieghane giezhi tande duranji gieku nenli ogisanshi Huda wo.

Ingiese Huda hhei zui unduni gholughazhi hhende yanyanji nierese fugie nierei ogiwo. Ingie asiman jieredu, zemin jieredu, zemin douradu yanyanjila man Ersa ni nierede xiutuliezhi Jien kunlai amanla Ersa Mexihashi Ezhan wo giezhi chenren giedene Huda Adade kuaikui ireghawo.

Ta yan shiqin gieliuzhe boxin bu kielie, bu jianjindu. Tande yama kheilaku wizhi ganjintu kun gholu. Ta Hudade yama maobin witu kewosi danlazhi duyade doghun, wirulasan kunlai dunda gon fai.

Ingiese mii orentula, bi tanre hhantu bikude ta chan chenliesan mutun ede bi tai hhende uwokude genjia qingiezhi ayi pugharazhi tai jiuikui shiqinni xiacha giezhi chenjigha.