Popular Bible Verses from Румазухъе кагъат 4

Share

Аллагьас кьураб рагӀи холилан ракӀалдецин ккечӀого, божи-иманалъулъ щулалъана ва Аллагьасе рецц гьабуна. Кьураб рагӀи тӀубазабизе къуват Аллагьасул букӀиналда щибго щаклъи гьечӀого божана.

ТӀухьдузда хъван бугелъул: «Дица мун гӀемерал халкъазул эменлъун гьавила». Гьес иман лъурав Аллагьасда цеве нилъер эмен вуго Ибрагьим. Хварал чӀаголъизарулев, гьечӀелъуса щибгоги букӀинабулев Аллагьин гьев!

Нилъер мунагьал чуриялъе гӀоло хвалде ана ГӀиса ва нилъ ритӀухълъизариялъе гӀоло Аллагьас чӀаголъизеги гьавуна.

Хьул къотӀараб мехалъги хьул лъун божана Ибрагьим Аллагьасда. Гьединлъидал гӀемерал халкъазул эменлъун лъугьана гьев: «Дур наслуялъул гӀадамал цӀвабигӀан гӀемер рукӀина», – ян ТӀухьдузда хъварабги ритӀухълъун.

Гьединлъидал гьеб рагӀи кьеялъе сабаблъун божи-иман лъугьана ва гьел мустахӀикълъичӀеб сайигъатлъун букӀана. Гьедин кьураб рагӀи хвезабиларилан къотӀиги гьабуна Аллагьас Ибрагьимил наслуялъе: Къануналъ малъухъе хьвадулезе ва Ибрагьимил божи-иманалъул нух ккуразе. Нилъер киназулго эмен вуго гьев.

«Гьардарал гурищ жидер мунагьги чурарал хӀакъалда тӀасаги лъугьарал чагӀи. Гьардарав гурищ жиндир мунагь БетӀергьанас бахчарав чи».

ТӀухьдузда щиб хъван бугеб? «Ибрагьим Аллагьасда божана, гьединлъидал гьес гьевги жиндие ритӀухъав чилъун рикӀкӀана».