Popular Bible Verses from ГӀакъилал рагӀаби 4

Share

Дурго хазинаялдаса цӀикӀкӀун цӀуне дурго ракӀ, гьенисанлъидал чвахулел чӀаголъиялъул иццал.

БитӀараб нух тӀаса бищани, киве аниги хӀинкъи букӀинаро дуе.

Дурго кӀалзул макру-гьереси аскӀоса бачахъе, мацӀалзул хӀилла-рекӀкӀги рикӀкӀад гьабе.

ГӀакъиллъиялъул аслу сундулъ бугеб? ГӀакъиллъи тӀалаб гьабун, дурго бечелъиги кьун, бичун босе дуца гӀакълу-насихӀат.

Муъминзабазул нух релълъуна баккудасаго бакъул кунчӀиялда, цинги къалъуде щвезегӀан гвангъулебго гвангъулеб букӀуна гьеб. Квешал гӀадамазул нух бецӀаб букӀуна, киб хӀетӀе хъущтӀилебали лъаларо гьезда.

ГӀакъиллъи рехун тоге, гьелъ цӀунила мун; гьеб бокьа дуе, гьелъ тӀалаб-агъаз гьабила дур.

Малъа-хъвай щулаго ккве, ккун чӀезабе, рекӀелъ цӀуне – дур чӀаголъийин гьеб кколеб.

Пасикъал гӀадамазул нухде лъугьунге мун, квешазул шагьраялдасанги хьвадуге.

Инсул малъа-хъваялъухъ гӀенекке, васал, лъикӀго гӀинтӀаме, нужеего гӀакълу щвезе.