Popular Bible Verses from ГӀакъилал рагӀаби 26

Share

ГӀабдаласе гьесул гӀантлъиялда рекъараб жаваб гьабуге, мунгоги гьесда релълъине гурин. ГӀабдаласе гьесул гӀантлъиялда рекъараб жаваб гьабе, гурони – гьесда ракӀалде ккола живги цӀодорав чи вугилан.

Жинцаго лагӀараб жо кваназе гьве тӀадбуссунеб гӀадин, гӀабдалги жиндирго гӀантлъиялде тӀадвуссуна.

ЦӀул гьечӀони цӀа суна, гьоркьоб мацӀ гьечӀони, дагӀба-рагӀи лъугӀула.

Чияе гвенд бухъани, живго жаниве ккола, гьорчо эхеде гирани, гирун бачӀун, жиндаго щола.

Живго жиндаго гӀакъилав-цӀодоравилан кколев чи вихьанищ дуда? Гьесиеялдаса лъикӀ букӀина гӀабдаласе.

Чияр дагӀба-рагӀиялде гьоркьове лъугьунев чи релълъуна аскӀосан бекерун унеб гьойдул кӀиябго гӀин кколев чиясда.