Popular Bible Verses from ГӀакъилал рагӀаби 21

Share

РитӀухъавлъун ва гурхӀулевлъун вукӀине хӀаракат бахъулев чиясул бетӀербахъи лъикӀлъула, къадру-къимат борхула.

КӀвахӀ гьечӀесул пикрабаз-къасдаз пайда-хайиралде рачуна, хехдариялъ мискинлъиялде рачуна.

Жиндирго кӀалги кӀалдиб мацӀги цӀунарав чияс жиндирго рухӀги балагьаздаса цӀунула.

Щивав чиясда ккола жиндир нух битӀараб бугилан, амма БетӀергьанас борцуна гьесул рекӀелъ бугеб жо.

Рагъде рачине чуял къачӀала, амма бергьенлъи БетӀергьанасдасан букӀуна.

Къурбан хъвеялдаса хирияб буго БетӀергьанасда цебе ритӀухълъи цӀуниги вацӀцӀадго хьвадиги.

БетӀергьанасдаса бергьунеб гӀакъиллъиги гьечӀо, цӀодорлъиги гьечӀо, ният-къасдги гьечӀо.

Мискинасул ахӀи рагӀичӀого букӀине гӀин бацулев чи ахирги живго ахӀдезе ккола, амма лъицаниги гьесие жаваб гьабуларо.