Popular Bible Verses from ГӀакъилал рагӀаби 15

Share

ХӀеренаб жавабалъ ццин гӀодоцинабула, хъачӀаб рагӀуца ццин гьалаглъизабула.

Аллагьасукьа хӀинкъи – гӀакъиллъи-цӀодорлъи ккола, хӀурмат-къадруялъул цебехъан – хӀалимлъи-хӀеренлъи буго.

КӀалзул хӀеренлъи – чӀаголъиялъул гъветӀ, кӀалзул гьересиялъ ракӀ чӀунтизабула.

ГӀакълу-насихӀат гьечӀони, мурадалде щоларо, гӀакълу кьолел гӀемерлъани, мурад тӀубала.

РекӀелъ рохел бугони, гьумерги бохун букӀуна, рекӀелъе рещтӀараб ургъелалъ ракӀ чӀунтизабула.

БетӀергьанасул бер щолареб бакӀ гьечӀо: квешалги рихьула, лъикӀалги рихьула.

БетӀергьанасукьа хӀинкъун щвараб дагьаб лъикӀ, гӀемераб бечелъиги щун, гьелъул хӀинкъиялда гъоркь рукӀиналдаса.

Ццин хехас кьалул цӀа рекӀинабула, сабру бугес дагӀба-рагӀи свинабула.

Муъминчияс рагӀи ургъун бицуна, пасикъасул кӀалалъ квешлъи лагӀула.