Popular Bible Verses from ГӀакъилал рагӀаби 12

Share

РакӀкъварилъиялъ чи чурхъула, лъикӀаб рагӀуца вохизавула.

НасихӀат бокьулесе гӀелму-лъайги бокьула, кантӀизе бокьуларев чиги гӀабдал вуго.

УргъичӀого рехараб рагӀуца хвалчаца гӀадин лъукъула, гӀакъилазул мацӀалдасан дару бецӀцӀула.

ГӀабдаласда ккола жиндир нух битӀараб бугилан, цӀодорав чи цогидасул гӀакълуялъухъ гӀенеккула.

ГӀабдалас гъобсагӀатго тӀатинабула жиндирго рекӀекълъи, цӀодорас пикруцин гьабуларо жиндир ракӀ лъукъиялъул.

ГӀамал лъикӀай лъади – росасул бетӀералда лъолеб таж ккола, инжитай лъади – гьесул рукьбузда чӀвалеб ккал буго.

Гьереси бицунеб кӀал БетӀергьанасе рихараб буго, ритӀухъал чагӀаздаса Гьев разилъула.

Муъминчияс мадугьаласе нух бихьизабула, пасикъазул гӀамал-хасияталъ жалго къосинарула.

БитӀараб рагӀи абадиялъего хутӀула, гьереси цохӀо лахӀзаталда тӀатуна.