Popular Bible Verses from ГӀакъилал рагӀаби 13

Share

ГӀакъиласулгун гьоркьоблъи ккурасе гӀакълу щола, гӀабдаласулгун гьудуллъи гьабурасе зарал ккола.

КӀал цӀунарас рухӀги цӀунула, ургъичӀого кӀалъалесде балагь бачӀуна.

Хьопалда гурхӀарав чи – жиндирго вас рихарав чи, вас вокьулес гьесие гӀадлу гьабичӀого толаро.

Хьул хӀорлъани – ракӀ чӀунтула, анищ тӀубайги гӀумруялъул иццлъун рикӀкӀуна.

РакӀбацӀцӀадав инсан ритӀухълъиялъ сапаралдаги цӀунула, пасикъав чи мунагьалъ гӀодов ккезавула.

ГӀедегӀун данде бакӀарараб бечелъи хехго лълъаранибе уна, дагьа-дагьабккун данде бакӀарараб – цӀикӀкӀунебго цӀикӀкӀунеб букӀуна.

ГӀамалкӀодолъиялдалъун гӀицӀго дагӀба-рагӀи ккола, гӀакълу дандбалезулъ гӀакъиллъи букӀуна.

ЛъикӀав чияс лъималазул лъималазеги ирс нахъе тола, мунагьчияс данде гьабураб боцӀи-рикъзи муъминзабазе хутӀула.

ЦӀодорав васас инсуца малъараб босула, яхӀ-намус гьечӀев чи кантӀизавиялъухъ гӀенеккуларо.

Малъараб босуларесда тӀаде ресукълъиги хӀакъирлъиги бачӀуна, малъухъе хьвадулесул хӀурмат гьабула.