Popular Bible Verses from Байбихьи 32

Share

«Гьанжеялдаса хадуб мун Якъуб гуро, ГӀизраил вуго. Аллагьгунги гӀадамалгунги къеркьон бергьиндалха мун».

Цинги гьес Якъубида абуна: «Дун виччанте, хъахӀлъи балеб бугин». «Дие баракат кьечӀого виччаларо», – ян жаваб кьуна Якъубица.

Живго гьаб рахъалда чӀана. Ва цо Щивалиго къеркьезе лъугьана гьавгун – тӀубараб сордо ана гьедин.

Гьеб иш ккараб бакӀалда цӀар Пени-Эл лъуна Якъубица. «Гьанив дида гьумер дандбитӀун Аллагь вихьана ва чӀаго хутӀана», – ян абуна гьес.

Якъуб къуркьизавизе кӀолев гьечӀолъи бихьун, Гьев гьесул мачӀалда хъвана ва ракьаялдаса щекӀ батӀалъизабуна.

«Дуда цӀар щиб?» – ан гьикъана гьес. «Якъуб буго». Цинги гьес абуна

«Дур цӀарги бицеха дида», – ян гьарана Якъубица. «Дир цӀар лъан щай дуе?» – ян жаваб кьуна гьес. Цинги Гьес Якъубида баракат лъуна.

Нахъаса къотӀичӀого Дуца диде – Дурго лагъасде – рещтӀинабураб баракаталъеги Дур рахӀмуялъеги мустахӀикъав гьечӀо дун. Гьаб Иордан гӀор бахараб мехалъ, дир хъатикь гӀанса гурони букӀинчӀо, гьанже дир кӀиго къавуялъе гӀураб гӀи-боцӀи буго.

(Гьединлъидал ГӀизраилил наслабазул гӀадамаз гӀи-боцӀул мачӀалзул гьан кунаро: Дов хъвайдалха Якъубил мачӀалда.)

Цинги Якъубица дугӀа гьабуна: «Я хирияв Аллагь – дир кӀудияв эмен Ибрагьимилги дир эмен ИсхӀакъилги Аллагь! Рокъове гӀагарлъиялъухъе тӀадвуссайилан дие амру гьабурав ва дие хӀалае вахъине рагӀи кьурав БЕТӀЕРГЬАН!

Гьарула Дуда, дир вац ГӀисавидаса хвасар гьаве дун! Дун хӀинкъун вуго, вачӀун гьес руччабигун, лъималгун цадахъ, ниж киналго гъурилилан.