Popular Bible Verses from Байбихьи 28

Share

Дуда кӀочонге Дун мунгун вукӀин. Киве кканиги, Дица цӀунила мун ва гьаб ракьалде тӀад вуссинавила. Дица мун рехун теларо: дуе кьураб рагӀи тӀубазабила».

Гьеб малиялъул тӀогьив чӀун вукӀана БЕТӀЕРГЬАН ва Гьес Якъубида абуна: «Дун вуго БЕТӀЕРГЬАН – дур кӀудияв эмен Ибрагьимилги дур эмен ИсхӀакъилги Аллагь. Мун тӀад вегун вугеб гьеб кинабго ракь дуеги дур наслабазеги сайгъат гьабулеб буго Дица.

Макьидаса вигьиндал, Якъубица абуна: – «ХӀакълъунго БЕТӀЕРГЬАН вуго гьаб бакӀалда: дидани лъачӀо гьеб!»

Цинги Якъубица, Аллагьасда цебе назру гьабун, гьадин абуна: «Гьаб сапаралда дие кваназе квенги кьун, ретӀине парталги кьун, Аллагьас дун цӀунани ва сах-саламатго дун дирго инсул рокъовеги тӀадвуссани, гӀумруялъго БЕТӀЕРГЬАН Аллагьасе гӀибадат гьабила дица. Гьаб гамачӀ эхетараб бакӀги Аллагьасул Рукълъун лъугьина. Ва Аллагьас дие кьунщиналъул анцӀил бутӀа дица Аллагьасеги кьела».

СалигӀан гӀемер рукӀине руго дур наслаби, ва гьел чӀезе руго бакътӀерхьудехунги, бакъбаккудехунги, шималалдехунги, къилбаялдехунги. Киналго халкъазе баракат щвезе буго дудасан ва дур наслуялдасан.

Бет-Эл абун лъуна гьес гьеб бакӀалда цӀар, – цебе гьеб бакӀалда цӀар Луз букӀана.