Popular Bible Verses from Тархъанлъи 32

Share

МагӀардаса тӀадвуссине Муса кватӀулев вукӀинги бихьун, халкъ бакӀарана Гьарунида сверун ва гьез абуна: «Мисриялдаса къватӀире нилъ рачарав дов Мусаеги щиб ккарабали нижеда лъаларо, гьединлъидал нижее аллагьзабазул сипат гьабе, гьез ниж цере рачине рукӀине», – ян.

Гьебмехалда БЕТӀЕРГЬАНАС Мусада абуна: «РещтӀа магӀардаса. Дуца Мисриялдаса къватӀибе бачараб дур халкъ пасатлъун буго! КигӀан хехгоха мугъ рехараб гьез Дир амрабазде! Гьез биун тӀураб басиялъул сипат гьабуна ва гьелда цере суждаялда чӀана: „ГӀизраилил халкъ, гьале нуж Мисриялдаса къватӀире рачарав нужер аллагь!“ – инги абун.

Гьеб рагӀараб мехалъ, Гьаруница басиялда цебе къурбан-бакӀ бана ва халкъалда абуна: «Метер букӀине буго БЕТӀЕРГЬАНАСУЛ байрам!» – ин. Нахъисеб къоялъ радал цудунго тӀадеги рахъун, гьез тӀоритӀана тӀуран рухӀулел къурбаналги ракълил къурбаналги. Гьелдаса хадуб халкъ квана-гьекъезе гӀодоб чӀана ва кӀудияб ихтилат-кепалде байбихьана.

Хадусеб къоялъ Мусаца халкъалда абуна: «Нужеца гьабуна кутакалда кӀудияб мунагь! ГьабсагӀат дун БЕТӀЕРГЬАНАСДА цеве чӀезе ина: щиб лъалеб, нужедаса мунагь бацӀцӀун бажаризеги бегьулин дихъа».