Popular Bible Verses from 4 Пачаби 5

Share

Нааман вукӀана Сириялъул пачаясул аскаразул бетӀер. Пачаясеги кутакалда къиматав, къадруяв чи вукӀана гьев, щайгурелъул БЕТӀЕРГЬАНАС гьесдасан Сириялъе бергьенлъи кьун букӀиндал. Лебалав рагъухъан вукӀана гьев, амма барасалъул унтиялъ тату хвезабун букӀана.

Цинги ЭлишагӀица цо чи витӀун вачӀана гьесухъе гьадинаб рагӀигун: «Иордан лъарахъеги ун, гьенив анкьго нухалъ лъадалъ ччун вахъа, цинги сахлъила мун ва бацӀцӀалъила дур черх».

Цинги гьев вилълъана, ЭлишагӀица абухъе анкьго нухалъ Иорданалда ччун вахъана, ва гьесул черх сахлъун лъимадул гӀадин бацӀцӀалъана.

Амма Нааманил кутакалда ццин бахъана гьеб бакӀалда. «Дун вукӀана гьев живго къватӀиве вачӀинин дихъе ва жиндирго БЕТӀЕРГЬАН Аллагьасул цӀарги ахӀун, дир унтараб бакӀалде квер хьвагӀилин ва дун барасалъул унтудаса вацӀцӀад гьавилин!» Гьединги абун нахъе ана гьев.

Нааманил церетелал рачӀана цинги гьесда аскӀоре ва гьез абуна: «Я нижер эмен, аварагас цоги цо захӀматаб жо гьабеян дуда абун букӀарабани, дуца гьеб гьабилароанищ? Досин абуни цохӀо чвердеян ва мун вацӀцӀалъилин абуна дуда».

Гьелъ жиндирго хважаиналда абуна: «Самариялда вугев авараг вихьизеанищ бетӀерчӀахъаяв дир хважаинасда! Гьес сахлъизавилаан гьев барасалъул унтудаса».