Popular Bible Verses from Филиппыын улӥсьёслы 3

Share

Агай-вынъёсы, мар кулэ вал, ваньзэ сое быдэстыса вуи ни шуыса, мон уг лыдъяськы; нош ортчемзэ-азьвылзэ вунэтыса кельтӥсько но азьпала чуртнаськыса мынӥсько, дыртӥсько сюлэм куронэ доры. Иисус Христос пыр Инмар монэ ӧтиз Инмысь кузьым басьтон доры.

Мынам тодэме потэ Христосэз но Солэн улӟыса султонэзлэсь кужымзэ, мынам Солэн курадӟоназ пыриськеме потэ, Солэсь кулонзэ ас вылам чидаме потэ – кулэмысь улонэ улӟыса султӥсьёс пӧлы мон но мед сюрысал.

Кузё-Инмарме Иисус Христосэз ваньмызлэсь вылӥ луэ шуыса тодэм берам ваньзэ мукетсэ кулэтэмен лыдъясько. Христосэз шедьтон понна мон ваньзэ ыштӥ но ваньзэ мукетсэ жуг-жаг луэ шуыса лыдъясько.

Нош мар мон понна вылӥлыко-пайдалыко вал, Христосэз тодэм берам ваньзэ сое жуг-жаг луэ шуыса лыдъяны кутски.