Popular Bible Verses from Филиппыын улӥсьёслы 2

Share

Номыре но эн лэсьтэ, асьтэлы гинэ пайда басьтыны турттыса, ушъян-данъянэз эн яратэ. Асьтэдыз покчи каре, нош мукетъёссэ асьтэ сярысь умоесьгес шуыса лыдъялэ. Нокин но ас сярысьтыз гинэ медаз сюлмаськы, мукетъёс сярысь но мед сюлмаськоз.

Тӥ сыӵе ик мылкыдын улэ, кыӵе мылкыдын Иисус Христос улэ

Со Инмарлэн тусыз-образэз луыса вылысь Инмарен огкадь луон борды кутӥськыса ӧз улы. Со Ассэ Ачиз покчи кариз, ляльчи кариськиз, адями луыса вордскиз, вылтусызъя адями кадь луиз. Ассэ зӥбыт-востэм кариз, тэрытскыса виёнлы сётӥськиз – кирос бордын кулонлы.

Аслыз ярамон луон понна Инмар тӥлесьтыд мылкыддэс ӝутэ, ӟеч ужъёс тӥледыз лэсьтытэ.

Соин ик Инмар Сое ваньмызлэсь вылӥ кариз, Солы котькыӵе но нимлэсь вылӥ ним сётӥз, Иисуслэн нимыз азьын Инмын но, музъем вылын но, дунне пыдэсын но улӥсьёс пыдесъяськыса мед йыбырттозы шуыса. Инмар Атайлэсь данзэ ӝутон понна ваньзы соос ватытэк-танытэк мед вералозы, Иисус Христос Кузё-Инмар луэ шуыса.

Ваньзэ керӟегъяськытэк, керетытэк лэсьтэ. Сьӧлыко, сӧриськем калык пӧлын тӥ Инмарлэн дун-шектэм пиналъёсыз мед луоды. Соос понна тӥ шунды кадь пиштыса улэ.

Озьыен, гажаноосы, кызьы тӥ котьку но кылзӥськисесь вал, мон тӥ пӧлын луыку гинэ ӧвӧл, нош али уката но мон тӥ пӧлын луымтэ дыръя. Асьтэлэн утиськонды понна кышкаса, куалекъяса тырше.