Popular Bible Verses from Ефесын улӥсьёслы 2

Share

Асьмеды Инмар кылдытӥз, Иисус Христос бордын ӟеч ужъёс лэсьтыса улон понна асьмеды Со кылдытӥз. Ӟеч ужъёс лэсьтыса мед уломы шуыса, Инмар азьвыл ик соосты дасяз.

Уго оскон пыр тӥ Инмарлэн гажан-жалянэныз утемын. Но со утиськон тӥ бордысь уг поты, со – Инмарлэн кузьымез. Уж понна но со ӧвӧл, нокин но медаз ушъяськы.

Но гажан-жалянэн узыр Инмар, Аслаз быдӟым яратонэныз яратӥз асьмеды, – йыружъёсмы понна кулэмъёсты, Христосэн валче улӟытӥз, – Инмарлэн гажан-жалянэныз тӥ утемын вал.

Соин ӵош кулэмысь улӟытӥз но Инмысен Иисус Христос борды пуктӥз,

Озьыен, табере тӥ мурт адямиос, пыртос калык ӧвӧл ни, табере тӥ вань вӧсяськисьёсын ӵош одӥг семья, Инмарлэн адямиосыз луиськоды. Апостолъёслэн но пророкъёслэн юнматэм инъет вылазы тӥ ӝутэмын, нош со инъетлэн возись изэз Ачиз Иисус Христос луэ.