Popular Bible Verses from Кыкетӥ Закон 1

Share

Инмарды Кузё-Инмар тӥляд азяды мынэ; Со тӥ понна ожмаськоз, кызьы Со тӥляд син азяды тӥ понна Египетысен лэсьтӥз, луоё кыр дуннеысен но, отысен тӥ асьтэос адӟиды, кызьы Инмарды Кузё-Инмар тӥледыз ас пизэ ки вылаз нуись мурт кадь нуллӥз; татчы лыктытозяды ялан тазьы вал.

атайёстылэн Инмарзы Кузё-Инмар тӥледыз али сярысь сюрс пол тросгес мед кароз, бакель мед кароз, кызьы Со тӥледлы вераз!

«Инмармы Кузё-Инмар Хоривысен асьмелы тазьы вераз, тазьы шуиз: ”Тырмоз тӥледлы та гурезьын улыны!

тани та музъемез Мон тӥледлы сётӥсько, мынэлэ, Кузё-Инмарлэсь тӥляд атайёстылы Авраамлы, Исааклы, Иаковлы, соослэн выжыоссылы кыл сётыса сӥзем музъемзэ люкетлы басьтэ”.

судын ымныр шоры эн учке, покчизэ но, вылӥзэ но кылзӥськыны быгатэ: адями ымнырлэсь эн кышкалэ, уго суд – со Инмарлэн ужез; нош тӥледлы сэрттыны-пертчыны секыт ужез мон доры вае, мон сое учко-эскеро.