Popular Bible Verses from 1 Петр 5

Share

Вань сюлмаськонъёстэс Со доры вае, уго Со тӥ сярысь сюлмаське.

Котькыӵе но дэлет сётӥсь Инмар, Иисус Христос бордысь Аслаз пумтэм вапумысь данлыказ асьмеды ӧтись, тӥляд вакчияк курадӟонды бере тӥледыз юнматоз, кужмоятоз, чигиськисьтэм-куасаськисьтэм кароз.

Сазь улэ, сэзь кариське, малы ке шуоно тӥляд тушмонды – диавол, бурсӥсь лев кадь, кинэ ке но ньылыны утчаса ветлэ. Солы пумит кужмо осконэн сылэ. Тодэ, дунне вылын таӵе ик курадӟонъёс тӥляд агай-вынъёсты но чидано луо шуыса.

Соин ик Инмарлэн кужмо киулаз востэм кариське, дыр вуиз ке, Со тӥледыз мед ӝутоз шуыса.

Тӥ но, покчиос, вӧсяськисьёслэн кивалтӥсьёссылы тэрытске, ваньды ог-огдылы тэрытскыса, зӥбыт-востэм улэ, малы ке шуоно «вылӥ мылкыдоослы Инмар пумит кариське, нош зӥбыт-востэм улӥсьёслы дэлет сётэ».