Popular Bible Verses from 1 Петр 4

Share

Нош уката ик огдэс огды сюлмысь яратыса улэ, малы ке шуоно яратон трос сьӧлыкъёсты шобыртэ.

Огдылы огды юрттӥське, котькудӥз сыӵе кузьымен, кыӵезэ со басьтӥз Инмарлэсь пӧртэм пумо дэлетъёссэ басьтӥсь коркаен ӟеч кивалтӥсь ляльчи кадь.

Вераськод ке, Инмарлэсь кылзэ кадь шонер вера; ужаськод-тыршиськод ке, ужа-тыршы сыӵе кужымен, кудзэ тыныд Инмар сётэ. Котькытын но Иисус Христос пыр Инмар данъямын мед луоз, Солы пумтэм вапумъёсы дан но кужым. Аминь.

Нош тон Христослэн муртэз луэм понна курадӟид ке, соку эн возьдаськы, таӵе адӟонэд понна Инмарез данъя.

Котьмарлы но пум вуэ ини. Соин ик сэзь визьмын, вӧсяськыса улэ.

Гажано агай-вынъёсы! Тӥ пӧлы ыстэм тыллы эн пайме, тӥледыз эскерон-чаклан понна со ыстэмын шуыса, со тӥледлы абдрамон учыр кадь медаз пот. Нош тӥ, Христослэн курадӟонъёсаз пыриськиськоды шуыса шумпотэлэ, Солэн пиштӥсь данлыкез усьтӥськыку но шумпотоно, шулдыръяськоно мед луоды.

Тӥ доры пырисьёс луизы ке, ӟургетыса эн улэ, сюдэ-вордэ соосты.

Соин ик, кинъёс Инмарлэн эрикезъя курадӟон чидало, ӟеч уж лэсьтэмысь медаз дугдэ, соос оскиськымон Кылдытӥсьлэн киулаз асьсэлэсь лулзэс мед сётозы.

Озьыен, асьме понна Христос лулмугорыныз курадӟон чидано луиз, нош тӥ, сое тодады вайыса, лулдэс-сюлэмдэс юнматэ. Уго мугорыныз курадӟись мурт сьӧлыкамысь дугдэ. Кылемзэ улондэс лулмугорлэн куронъёсызлы тэрытскыса ӧвӧл, Инмарлэн эрикезлы тэрытскыса мед улоды.

Христослэн адямиосыз луэмды понна тӥ сярысь урод кылъёс верало ке, тӥ шудоесь. Уго данлэн Духез, Инмарлэн Духез тӥ вылын улэ. Соос Сое сантэмало, нош тӥ – данъяськоды.