Popular Bible Verses from Лука 5

Share

Дышетыса дугдэм бераз Симонлы шуиз: «Мур азегес полыса, чорыг кутылыны калтондэс вуэ лэзе».

Солы ответ сётыса, Симон шуиз: «Дышетӥсь! Ми уйбыт тыршимы, нош номыр но ӧм кутэ; но Тынад косонэдъя калтонэз лэзё». Тае лэсьтэм беразы туж трос чорыг кутӥзы, калтонзы ик ӟезиськылӥз.

Нош Со, калыктэм интыосы кошкыса, отын вӧсяськыса улӥз.

Шонер улӥсьёсты ӧтьыны Мон ӧй лыкты, сьӧлыкоосты ӧпкельыса сьӧлыкъёссылэсь куштӥськонэ ӧтьыны лыктӥ».

Тае адӟыса, Симон Иисус азе пыдес вылаз уськытскыса шуиз: «Кузё-Инмаре! Пот мон дорысь, мон сьӧлыко адями уго».

Иисус соослы ответ сётыса шуиз: «Висисьтэмъёслы эмъясь кулэ ӧвӧл, висисьёслы кулэ.

Кыксэ но пыжъёсты ярдуре поттӥзы; собере марзы вань, ваньзэ кельтыса, Со сьӧры мынӥзы.

Иисус одӥгаз городын улыку, быдэс мугорзэ гижло басьтэм мурт лыктӥз но, Иисусэз адӟыса, пыдесъяськиз, сюлворыса Солэсь куриз: «Кузёе! Чылкытатэмед потӥз ке, Тынад монэ чылкытатэмед луоз». Иисус, кизэ ӝутыса, со мурт борды йӧтӥськыса шуиз: «Мынам чылкытатэме потэ – чылкыта». Соку ик солэн гижлочерез быриз.

Озьы ке но Иисус сярысь ивор паськыт вӧлмиз, Сое кылзыны но асьсэлэн висёнъёссылэсь йӧнатӥськыны туж трос калык Со котыре лыктӥз.