Popular Bible Verses from Еф 4

Share

Иктӹ-весӹ докы пуры дӓ пышкыды кымылан лидӓ. Кыце Йымы тӓмдӓн вуйнаматдам Христос гач простен, тенгеок тӓӓт иктӹ-весӹдӓн вуйнаматдам простьыда.

Соок смирнӓ, пуры кымылан дӓ кужын тырхышы, иктӹ-весӹдӓм яратен цӹтӹшӹ лидӓ.

Тӓмдӓн ышмада гӹц нимахань йӹрнӹк шамак ӹнжӹ лӓк, а колыштшывлӓлӓн благодатьым кандышы, ӹнянӹмӓштӹ пингӹдемдӹшӹ пуры шамакым веле попыда.

Цилӓ йӓнг качым, азнымашым, шӹдӹм, саслымым, мыскылымым цилӓ худа доно иквӓреш шуэн колтыда.

Шӹдешкедӓ гӹнят, сулыкым идӓ ӹштӹ: кечӹ шӹцмешкӹ, шӹдешкӹмӹдӓм шуэн колтыда дӓ диаволлан вӓрӹм идӓ пу.

тенгежӹ алталышы шыкланымаш доно изин-олен пӹтӓрӓлтшӹ первишӹ эдемдӓн молнамшы кайышыжы гӹц карангшашлык ылыда. Тӓмдӓн шӱлӹшдӓ дӓ шанымашда уэмшӓшлык ылыт, Йымы гань лиӓш ӹштӹмӹ, лачокын ядмыжы доно тӧр дӓ святойла ӹлӹшӹ у эдемӹш вӹдӹлӓлтшӓшлык ылыда.

Шӱлӹшӹн кандымы иктӹ лимӓшӹм тӓмдӓм ушышы тыр доно перегӓш цацыда.

Тӹдӹ иктӹвлӓжӹм Апостолеш, весӹвлӓм пророкеш, иктӹвлӓжӹм Пуры Уверӹм шайыштшывлӓэш, весӹвлӓм пастыреш дӓ тымдышеш шагалтен. Служымы пӓшӓлӓн, Христосын Кӓпшӹм пингӹдемдӹмӹлӓн святойвлӓм йӓмдӹлӓш манын, Тӹдӹ тенге ӹштен. Тенгелӓ, остаткаэш мӓ цилӓн ӹнянӹмӓштӹ дӓ Йымын Эргӹжӹм пӓлӹмӓштӹ иктӹш шона, кушкын шошы, Христосын цицмӓшӹжӹ доно келшӹшӹ кӱкшӹцӹш шошы линӓ.

Коэ доно кӹшкӹмӹ, цилӓ тымдымашын мардежшӹ доно ӹфӹлен нӓнгемӹ, эдемвлӓ доно мадмы, йойланымаш гач мыштен алталымы изи тетя гань мӓлӓннӓ лиӓш ӹнжӹ ли, а тӧрӹм кычен, яратен ӹлен, Тӹдӹн докы ушнымашкы цилӓ шотыштат кушкын толына, Тӹдӹжӹ вуй, Христос ылеш.