Popular Bible Verses from 1 Ин 5

Share

Йымы анзылны мӓмнӓн техень ӹнянӹмӓшнӓ улы: кынам мӓ Тӹдӹн шанымыжы семӹнь иктӓ-мам ядына, Тӹдӹ мӓмнӓм колеш.

Цилӓ ядмынам Йымы колмым пӓленӓ гӹнь, мам Тӹдӹ гӹц ядмынам нӓлмӹмӓт пӓленӓ.

Йымым яратымаш Тӹдӹн шӱдӹмӹжӹм шоктымаш ылеш, а шӱдӹмӹжӹ нелӹ агыл, вет Йымы гӹц шачшы каждыйок сӓндӓлӹкӹм сӹнгӓ. Сӓндӓлӹкӹм сӹнгӹшӹ сӹнгӹмӓш – тидӹ мӓмнӓн ӹнянӹмӓшнӓ.

Кӱн [Йымын] Эргӹжӹ улы, тӹдӹн ӹлӹмӓшӹжӓт улы, а кӱн Йымын Эргӹжӹ уке, тӹдӹн ӹлӹмӓшӹжӓт уке.

Йымын Эргӹжӹлӓн ӹнянӹмӹдӓ гишӓн курымаш ӹлӹмӓшдӓ ылмым пӓлӓшдӓ мӹнь тидӹм тӓлӓндӓ, Йымын Эргӹн лӹмжӹлӓн ӹнянӹшӹвлӓлӓн, сиренӓм.

Мӓ пӓленӓ: Йымы гӹц шачшы иктӓт сулыкым ак ӹштӹ, Йымы гӹц шачшы ӹшкӹмжӹм перегӓ, дӓ вӹкӹжӹ худан хозажы ак тӹкнӹ.