Popular Bible Verses from Павелонь сёрмац Филиппав 4

Share

Мезеньге колга тяда пичеде, но фалу озондомаса и эняльдемаса, сюконязь панчсесть мялентень Шкайть инголе.

Эста Шкаень сетьмошись, кона сембе ломанень ёньда сяда оцю, ванфтсыне тинь седиентень и арьсемантень Христос Иисусса.

И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Семботь маштса Сянь вельде, кие максы тейне вий.

Кеняртькшнеда фалу Азорса! И тага весть азса: «Кеняртькшнеда!»

И монь Шкаезе, Эсь иневалдонь козяшинц коряс, Христос Иисусть вельде пяшкодьсыне тинь эрь кодама ашушинтень.

Тиендеда сянь, мезенди тонадоде, мезе сяводе и куледе монь эздон, и мезе няеде монь эсон. Эста Шкайсь, сетьмошинь лихтибрясь, ули мархтонт.

Катк сембонди няеви тинь сятявшинте. Азорсь маласа.

Мон содаса, мезе тяфтамсь ашушись, содаса, мезе тяфтамсь уликсшиське. Мон семботь ётайне и тянь вельде семботи анокан: улемс топодьста и улемс вачедокс, улемс уликсшиса и афсатыксшисовок.

Корхтан тянь колга аф сяс, бта мон эрян ашса. Мон тонадонь эряма тянь лаца: тейне сатни ся, мезезе ули.