Popular Bible Verses from Павелонь сёрмац Филиппав 3

Share

Кемай ялгат, мон аф арьсян стане, бта мон ни сатыне семботь, мезе аноклась тейне Христоссь. Мон, юкснемок сянь, мезе илядсь фталу, эряскодан сянди, мезе инголе. Мон сембе вийсон ласькан ся вастти, коса аделави монь ласькомазе и коса тейне максови казне. Тя казнесь – менелень эряф, конанди тердемазь Шкайсь Христос Иисусть вельде.

Монь мялезе содамс Христость и ся вийть, кона вельмафтозе Сонь кулофнень эзда; и мялезе явомс мархтонза маятаманзон и арамс лацонза Сонь куломасонза. Эста кармай улема надиямазе: кода-бди монга сатса кулофнень эзда вельмамать.

Мон афкукс семботь лувса шавокс, сяс мес Христос Иисус Азорозень содаманц мон лувса сембодонга питникс. Сонь инксонза мон юмафтыне семботь – и тянь семботь мон лувса прокс аф эрявиксокс, сяс мес мялезе сатомс Христость.

Мон семботь тянь лувондыне пяк питникс, но тяни Христость инкса лувса прокс шавокс, и мянь зиянкс.