Popular Bible Verses from Enšimmäini kirjani korinfilaisilla 12

Share

Hiän antau Henken jiäviytyö jokahisešša eri tapah, kuitenki yhtehisekši hyövykši.

Työ oletta Hristossan runko, ta jokahini teistä on tämän runkon oša.

Kun yksi runkonoša käršiy, šen kera käršitäh kaikki muutki. Ta kun yksi oša šuau kunnivuo, šen kera iluol'l'ah kaikki muutki.

Henki antau yhellä viisahuonšanat, toisella tiijonšanat. Eryähällä še šama Henki antau erityisen ušon, toisella parentamisen lahjat. Yksi šuau voiman luatie ihmehruatoja, toini tuou viestijä Jumalalta. Eryähällä on lahja erottua, mi on Jumalan Henkeštä lähtösin ta mi ei. Kellä on lahja paissa tuntomattomilla kielillä, a kellä lahja šelittyä näillä kielillä šanottuo.

No kaiken tämän šuau aikah yksi ta šama Henki, kumpani jakau omie lahjojah jokahisella, niin kuin tahtou.

Šilloin runkošša ei šynny riitoja, a šen ošat yheššä huolehitah toini toisešta.

Pyhän Henken lahjoja on monenmoisie, vain Henki, kumpani ne antau, on šama. Teilä on monenmoista ruatuo uškojakunnan hyväkši, vain Hospoti, kumpasella työ ruatta, on šama. Tiän henkelliset lahjat ollah monenmoiset, vain Jumala, ken meissä kaikissa kaiken vaikuttau, on šama.

Jumala pani uškojakuntah enšistäh yksie apostoliloiksi, toisie pani viessintuojiksi, kolmanšie pani opaštajiksi. Eryähillä Hiän anto lahjan luatie ihmehruatoja, eryähillä anto parentamisen lahjat, a eryähillä lahjan auttua muita. Eryähillä Hiän anto lahjan olla johtajana ta toisilla lahjan paissa tuntomattomilla kielillä.

Eihän runkuo ole luajittu yheštä ošašta vain monešta.

Myö emmä voi elyä ilmain niitä runkonošie, mit näytetäh muita vähäväkisemmiltä.

Kun koko runko ois vain yksistäh šilmä, niin milläpä še kuulis? Tahi još še ois yksistäh korva, niin milläpä nuuhella? Jumala kumminki ašetti runkoh kaikki eri ošat, niin kuin Hiän tahto. Kun kaikki ois yhtä ta šamua ošua, niin oisko šilloin olomašša mitänä runkuo?