Popular Bible Verses from Tito 3

Share

Ja̧'hua̧nö̧ cuetächomenä, Dios ujuturu ppä'ädinö. Diosmä suronä jȩtö̧ jȩpö̧ icuinö. Ujututä adiu jȩpo̧co̧tö̧ pi̧nä̧tö̧jä̧. Chutä, Diostä, re rö̧jö̧nä̧ topinö ujuturu. Tu̧ru̧hua̧ Jesucristorö tesetomenä, Dios repeähuä juiyönä iyinä̧u̧jä̧ Espíritu Santorö. Chutä ppäda'attö, i̧tti̧mö̧jä̧. Ja̧'hua̧nö̧ ja̧'a̧ kä̧cuä̧huä̧ i'co tta̧tä̧rö̧mä̧ i̧yä̧cua̧ ujuturu.

Ji'ähui jahuätörö o'ca toi'önä ruhuotörö ttucuota pä'ö. O'ca juiyönä ruhuotö huettömä jȩttä̧cua̧'a̧nö̧. 'Cuäopönä adiu jȩttä̧cua̧'a̧nö̧. Korotörö suronä ttucuocu juiya. Ja̧'hua̧ta̧nö̧ ttami diyaunä ttö̧ja̧cua̧. Korotörö'inä eseunu ppättäda pä'ö ji'ähui.

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

Ya̧tȩ iglesia ruhuärö 'quȩ'ȩpö̧ icua päöttömä, todärenätä ucuocuirö. Ja̧'hua̧nö̧ cucuocuomenä, esetö juiyöttömä 'quȩ'i̧pä̧chi̧rö̧.