Popular Bible Verses from San Lucas 5

Share

Täcö ucuocuäji'ca̧, cä'ädö pä'inödo Simónrö: —Huoi'ca dubora täcuonänö jo̧mȩcu̧ ȩpi̧. Ju̧huȩnȩ kä'ö icu huo'opätucui cuhuäretucu ma'ayänä po̧i̧rö̧.

Simón ädätinödo: —Huo̧juȩcuä̧ I̧sa̧, yodo 'cuäoi'önä huo'äjätöjä. Huota'anä ya̧tȩrö̧'i̧nä̧ huo'opocotö päjätöjä. Ja̧'hua̧nö̧ ja̧'a̧nä̧ täcö ucu huecuhua'attö, chöäre ma'ayä kä'ö icu huo'opösä. Ja̧'hua̧nö̧ huottopomenä, recuätö po̧i̧ huo'ocuächinätödo, yoröiso ma'ayä'inä 'toruipönä.

Ja̧'hua̧nö̧ ja̧'a̧nä̧ Jesús otomenänö 'quȩ'i̧pä̧chä̧ri̧nö̧do ttö̧ja̧ tometä. Juhuorötä Diosrö ucuocuinödo.

Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä pärocuäcutä ttamöcuäda pä'ö, —pä'inödo Jesús.

Ja̧u̧ topö, Simón Pedro Jesús ä'ca jo̧mȩ ihue'quiyunä kä̧mä̧dö̧ pä'inödo: —'Quȩ'i̧pä̧chi̧ttö̧, Chu̧ru̧hua̧. Ttömä iso päi'önä suronä jȩpä̧'i̧jö̧sä̧.

Jesús ädätinä̧u̧do: —Na̧'ä̧cho̧co̧tö̧mä̧ jahuapömä jä'epocotö jahuapö ru̧hua̧rö̧. Na̧'ä̧chä̧tö̧tä̧ jahuapö jä'epätö jahuapö ru̧hua̧rö̧.

Ja̧'hua̧ ja̧'a̧ttö̧ huoi'quiyu jäyoracu ttȩpä̧ja̧'a̧, o'ca juiyönä jaropi'ö, Jesúscu 'chi̧nä̧tö̧do.

Ja̧'hua̧nö̧ Jesús koro ötahuiyänä ö̧ja̧'a̧, ya̧tȩ öttahuiyä märichei lepra pättö juäi na̧'ä̧chö̧ ichi'inödo. Ja̧'hua̧nö̧ ja̧'a̧ttö̧ Jesúsru topö, ihue'quiyunä kä̧mä̧dö̧, ö'ä rȩjȩcu̧ ja̧rȩyu̧ pä'i'ö, jä'epinödo: —Chu̧ru̧hua̧, ucuru pä̧huä̧ rö̧jö̧ttö̧mä̧, ttörö aditö cuicu'a̧nö̧ ja̧'a̧. Ja̧'hua̧nö̧ ja̧'a̧ttö̧ Jesús u̧mö̧nä̧ mȩ'ö̧ pä'inödo: —Ttö pä̧huä̧ rö̧jä̧cu̧sä̧. Hua'ächö icucui. Jesús ja̧'hua̧nö̧ päomenä, päö ta'anö juiyönä huahuächipina'ado öttahuiyä märichei.

Jesús jȩö̧ huȩnȩmä̧ yabocutä rä̧mi̧pi̧na̧'a̧do. Ja̧'hua̧ta̧nö̧ recuätö ttö̧ja̧ ca̧ca̧cui̧nä̧tö̧do ttä̧ju̧cua̧ pä'ö. Ja̧'hua̧ta̧nö̧ ttumärichei aditö icuatö pä'ö ichinätödo.